Këngëtarja e Black Eyed Peas, Fergie, është zotuar se ajo do ta pastrojë fjalorin e saj ‘të fëlliqur’ gjatë paraqitjeve skenike të bendit, pasi dëshiron të jetë një model më i mirë për vajzat e reja.
34-vjeçarja i shndërroi paraqitjet e saj skenike në shfaqje ekstravagante duke folur dhe bërë gjeste të pakëndshme, por thotë se kjo më nuk do të ndodhë pasi ajo dëshiron të jetë shembull për vajzat e reja.
“Nuk jam përpjekur të jem model me albumin e parë ‘The Dutchess’... duke parë vajza të reja në audiencë së bashku me nënat e tyre. Kjo më bëri të mendoj pak më shumë rreth asaj se çfarë bëj në skenë. Duhej ta kontrolloja gojën time, pasi ajo mund të jetë ‘e fëlliqur’,”, ka thënë Fergie.