Jay-Z arrin marrëveshje për botimin e librit

Reperi Jay-Z raportohet se do të nënshkruajë marrëveshje për të edituar një libër i cili do të tregojë ngjarjet që fshihen prapa teksteve të këngëve të tij.

Ylli i muzikës hip-hop, emri i vërtetë i të cilit është Shawn Carter, është i famshëm për faktin se kurrë nuk i ka interpretuar rimat e tij. Por ai do të duhet ta bëjë këtë nëse do të pranojë një ofertë nga kompania “Spiegel & Grau”.

Sipas New York Observer, agjenti i Jay-Z është në negociata finale për librin voluminoz të komenteve, në të cilin reperi do të shpjegojë kuptimin prapa disa prej këngëve të tij më të famshme.

Nëse ai arrin marrëveshje, do të ishte një javë e shkëlqyeshme për Jay-Z, i cili sapo ka është emëruar Mbret i Parave në hip-hop në një sondazh të ri të revistës Forbes, pasi vitin e kaluar fitoi 35 milionë dollarë.