Vajza e Thornton vazhdon të qëndrojë në burg

Vajza e aktorit Billy Bob Thornton do të qëndrojë në burg derisa gjyqi të dëgjojë dëshminë e një eksperti.

Amanda Brumfield-vajza e larguar e Thornton- do të qëndrojë në burg derisa Dr. Jan Garavaglia të dëshmojë në lidhje me gjendjen e saj mendore, për rastin e vrasjes së një fëmije.

Amanda kishte qenë kujdestare fëmijësh në një shtëpi me ç’rast njëri nga fëmijët kishte vdekur pas goditjes në kokë.

Ajo ka thënë se fëmija është rrëzuar nga koshi ku qëndronte dhe ka vdekur, mirëpo pas autopsisë është vërejtur frakturë në kokë dhe dëmtim i trurit, kështu që rasti është shndërruar në “vrasje”.

Policia beson se koka e fëmijës është goditur me një objekt të fortë ose është shtyrë me fuqi të madhe nga koshi.