Një fshat në Angli me 21 shtëpi, terrenin për kriket dhe pyll është shitur për më shumë se 20 milionë funte, ka njoftuar të enjten një agjenci vendase për patundshmëri.
Vlera e fshatit piktoresk Linkenholt, në të cilin jetojnë rreth 40 banorë, më herët është vlerësuar të kushtojë në mes të 22 e 25 milionë funte.
Janë shitur të gjitha shtëpitë dhe tokat e Linkenholt, fshat ky i cili shtrihet në një sipërfaqe prej tetë kilometrave katrorë dhe i cili gjendet rreth 110 kilometra në perëndim të Londrës. Banorëve u është thënë se mund të vazhdojnë të jetojnë në fshatin në të cilin të gjithë i japin shtëpitë e tyre me qira.